الخميس, 18 يونيو, 2009

الشارع لنا

الدكتورة عايدة سيف الدولة

جانب من الحضور

الدكتورة ليلى سويف
شاهدتهم بنفسي في شارع نوبار يضربونها ويدوسون عليها ويجذبونها من شعرها

؟
فلاحة تزرع الارض بنفسها ومع ذلك يحاولون نزعها منها

المتهمون

بناتي وانا لا عائل لنا

علاء ضربوه وضربوا والدته وسرقوا كمبيوتره المحمول وحاولوا سرقة كاميرته واصابوه بشرخ في عظام قدمه

رابعة فهمي مزقوا كل ملابسها امام نقابة الصحفيين باوامر من الضباط

دينا جميل

زوجة أحد عمال الاسبستوس مرض بسبب عمله الخطر

هالة دحروج طردوها من التليفزيون بسبب توجهها السياسي

مساحة انشطة ترفيهية لاطفال المعتقلين والمعتقلات

حفل فني ابدعت فيه فرقة حبايبنا كعادتهم

(0) تعليقات

:: مش هشرب من نيلة

الخميس, 30 ابريل, 2009

كنت اعد على النت وبشوف بعض المدونات لية الموضيع

اولت اية الكرسة دى معول احنا وصيلنا للدرجة دى وبئنا مجموعة من العملاء الخونة هى دى مصر ..... وحلفة انى مش هشرب من نيلة تانى

(صــقـر الــمـصـرى)

نحنا مش حاسين بكياننا كمصريين، هم اللى وصلونا للإحساس ده، إحنا منسيين وواقعين من الحياة، ماعندنا مياه حلوة للشرب، ولا مواصلات تنقلنا، ولا صرف صحى، ولا مدرسة
هكذا شكا لى احد البدو حاله من العيشه التى يعيشها فى شمال سيناء .. بعد ان واجهتهم بسؤوال لم يكن ابدا يدور فى مخيلتهم " أنتم عملاء لاسرائيل ؟؟ " .. وبدليل انكم لجأتم الى اليهود فى ازمتكم الاخيرة ...
يردف قائلا :
أهل سيناء غلابة وضباط الشرطة بتعمل حقل تجارب علينا، يضربوا الناس بالنار والرصاص الحى بشكل عشوائى ده حرام، مافيش حد فوق العدالة وإحنا أهالى سيناء ضد المخالفين، وصحيح فيه تصعيد وتسخين من الطرفين، بعض من البدو والشرطة، لكن المخالف يتعاقب واللى بيحصل أنهم بيعاقبونا كلنا وبياخدوا عاطل مع باطل.

إحنا عندنا شباب زى الورد اللى واخد طب وهندسة ودبلومات وفيه بطالة هتقولى البطالة فى مصر كلها، هقولك إحنا عندنا مشاريع سياحية ومياه وأراضى خصبة يمكن لها أن تكون خضراء لكن أصحاب المشاريع يفضلون أبناء الوادى علينا، يعنى حتلاقى أبناءنا بيشتغلوا فى مهن معينة مثل الغفير، عامل البوفيه، سائق.

وبعدين يعنى إيه أبناء سيناء مايدخلوش الجيش، يعنى كليات الحربية والشرطة وغيرها، بيخافوا منا ليه إحنا مصريين.. ولا هم فاكرينا إيه.. وليه العنصرية دى.. ليه ابن سينا مايبقاش ضابط ويبقى عسكرى أمن مركزى ؟!

هذا ونفس الكلام على لسان البدوى قائلا :
طيب ما يروحوا يشوفوا صاحب مصنع الأسمنت رجل الأعمال الشهير اللى صدر الأسمنت بتاع مصر لإسرائيل علشان تبنى الجدار العازل اللى فصص فلسطين، ولا حد يجاوبنا ويقول لنا ليه مشروع ترعة السلام اللى كان هيدخل مياه لسيناء ويعمرها وقف واللى كان هيعمر منطقة الوسط اللى دايماً بيقولوا عنها من امتلك وسط سيناء امتلك قلب القاهرة، واتحججوا لنا بحجج فارغة لما قالوا أصل منسوب ارتفاع المياه هيوصل ١٠٠ متر والكلام ده ليه رد طيب ماتوشكى ارتفاع المياه فيها ١٢٠ متر.

وليه ماحدش سأل عن النخيل اللى انتهى فى سيناء؟! أقولك أنا الإجابة.. إن قلب النخيل راح فى احتفالات رأس السنة اليهودية، المستثمرين اللى على مستوى عالى فى سيناء رحلوه على هناك.

إحنا عاوزينكم تفهموا الصورة صح والناس فى القاهرة والمنصورة وغيرها من المحافظات يحسوا بالظلم اللى واقع علينا مش يقولوا فى أحد البرامج التليفزيونية إننا خونة وعملاء.. خليهم يروحوا يدوروا على العملاء اللى بجد ويشوفوا ليه حكم المحكمة اللى منع تصدير الغاز لإسرائيل ما اتنفذش لغاية دلوقت.

ياه.. إحنا نفسنا نحس إن الضابط الواقف ده أخونا أو ابن عمنا مش عدونا، شوف لما أبقى راكب أتوبيس ونقف فى كمين من الكمائن وينزلونى أنا دوناً عن بقية الراكبين لمجرد أنى لابس اللبس البدوى وينزلوا فىّ تفتيشات، أنا أحس بإيه، يا شيخ دول كرهونا حتى فى الزى الأصيل بتاعنا.

لما الضابط يأخد نسوان البدو ويحتجزهم علشان الواحد منهم يسلم نفسه.. ده فى المجتمع البدوى تطير له رقاب وده مش بيهدى بالعكس بيخلى الدنيا تولع.. أنا واحد من الناس قاضى عرفى وعندى ٧٠ سنة أقسم بالله لو أخدوا نسوانى لأدور على الضابط اللى خدهم وأروح فيه فى ٦٠ داهية.. دى مشاعرى وأنا عمرى ٧٠ عاماً ما بالك بمشاعر الشاب اللى فى العشرينيات..

اعتقد ان الصورة وضحت لكم .. لماذا لجأ البدو باسرائيل فى الوقت الذى تعامل فيه الامن المصرى بطريقة غير ادميه مع هؤلاء ..

ننشر الصور التى ننفرد بها ..

سيارات البدو من غير ارقااام

(0) تعليقات

:: فيديو هجوم ميليشيات طلاب الكلية الحربية على قسم شرطة 15مايو وتحطيم سيارة رئيس المباحث

الاثنين, 30 مارس, 2009

لقطة من الحادث

انتقم الطلبة لأحد زملائهم

قام طلبة بالكلية الحربية في مصر بمهاجمة مركز للشرطة يقع جنوبي العاصمة المصرية القاهرة.

وقد تم بث لقطات التقطت بالتليفون المحمول على

موقع الوعي المصري

وهو موقع يعنى بالتصدي للممارسات السلبية للشرطة والفساد، حول هذه الواقعة.

وفي أحد المشاهد كان الطلبة، وهم يرتدون الزي المدني، يحاولون قلب سيارة مأمور المركز.

وأفادت الأنباء أن الطلبة كانوا ينتقمون لسوء المعاملة التي تعرض لها أحد زملائهم في المركز.

وقال رؤساء تحرير الصحف لـ بي بي سي إنهم تلقوا أوامر صارمة من الجيش بعدم النشر حول هذه الواقعة التي حدثت مساء الأحد.

ومازال موضوع الجيش خارج الحدود التي يمكن للصحافة تناولها في مصر، ومن يتجاوز الخط يعرض نفسه للسجن.

ويقول إبراهيم منصور، رئيس التحرير التنفيذي لصحيفة الدستور المستقلة، إن صحيفته منعت من نشر القصة. وقال إن ما حدث "جزء من حالة التفكك الحاصلة في مصر، الصراعات متأججة ما بين المؤسسات والمنظمات لإظهار من هو الأقوى، فضلا عن حالة الفوضى القائمة في المجتمع

وأضاف لا يمر يوم دون مصادمات أو مظاهرات فئوية لا علاقة لها بالسياسة على الإطلاق

(0) تعليقات

:: ابليس المصرى على باب سفارة كندا

الاحد, 08 فبراير, 2009

علي باب سفارة كندا

لمحت ابليس وفي ايده استماره
بقول له علي فين قاللي بص
ياهجره يااعاره

ياعم انا زهقت كفرت

ألاقيش معاك سيجاره

أنا انتهيت خلاص

لا نافع وسواس ولا خناس

ولا ليا عيش وسط الناس

دول عالم مجرمين

عندكوا فائض في الفساد في كل البلاد
ومش محتاجين شياطين

مليش عيش في البلد دي بقالي سنين عاطل

وانتوا بتعرفوا تقلبوا الحق باطل

وتسلكوا القاتل وتمشوا في جنازة المقتول

ومفيش مشاكل

ياعم ده انا بقيت اوسوس بالمقلوب

وأقول للحرامي كفايه بقي توب

انته هاتعمل كل الذنوب لوحدك

وانا ابليس هاشتغل واعظ

ولا كمساري في اتوبيس

ياعم ده انا زمان كنت استني حد ينسي يسمي

وهوه بياكل لقمته

دلوقتي كل اكلكم بقي ملوث وبصراحه الواحد خايف علي

صحته

ده مفيش ضمير اساساعشان اموته

وكل واحد بمزاجه خربانه ذمته

ياعم كل حاجه اتسرقت

وكده الاجيال الجديده من الحراميه اتظلمت

ياراجل ده من كتر مالطشت معايا

خرجت في مظاهره بتقول كفايه
وبرده مفيش فايده

سلامي

(2) تعليقات

:: يحيا الرئيس للأبد

الاحد, 08 فبراير, 2009

يحيا الرئيس للأبد
يحيا هوه الفرد الصمد
له صفات ربنا
لكنه له ولد
الشعب له
و الحكم له
و كلنا له سجد

نحبه بالطوع أو
بالكره ذلك الرشد
يعيش فى تقشف
و فى النقود قد زهد

يحيا الرئيس للأبد
يحيا هوه الفرد الصمد
له صفات ربنا
لكنه له ولد
الشعب له
و الحكم له
و كلنا له سجد

مكتمل و كامل
لذاك ليس ينتقد
الصالحون حوله
و ليس فيهم من فسد

يحيا الرئيس للأبد
يحيا هوه الفرد الصمد
له صفات ربنا
لكنه له ولد
الشعب له
و الحكم له
و كلنا له سجد

إن مر يوما ركبه
حراسه بلا عدد
منعوا التجول و المسير
يا ويل شخص قد عند

يحيا الرئيس للأبد
يحيا هوه الفرد الصمد
له صفات ربنا
لكنه له ولد
الشعب له
و الحكم له
و كلنا له سجد

دوما يصون ما لنا
و صادق إذا وعد
قد كان دوما كادحا
و الحق من جد وجد

يحيا الرئيس للأبد
يحيا هوه الفرد الصمد
له صفات ربنا
لكنه له ولد
الشعب له
و الحكم له
و كلنا له سجد

و ذكره فى صادق القرآن فعلا قد ورد
و اقرأ إذا كذبتني آخر سورة البلد